$$ وليد العاطفه $$
المديرالعام للمنتدى
عدد المساهمات : 75
العمر : 36
تاريخ التسجيل : 03/09/2008
 |  موضوع: عيش كثير تشوف كثير  الأحد سبتمبر 14, 2008 11:18 am | |
|
[size=25]السلام عليكم ورحمة الله وبركاته ..
مسائكم / صباجكم ورد..
"عيش كثير،، تشوف كثير"
كنت ادرس في الابتدائيه ويوم من الايام انصرفت وجيت راجع لم البيت واشوف قدامي ولد في ريعان شبابه يقود ابوه العجوز الي بالغصب يشيل عمره ويقله يالله عالبيت لاتقرقر على راسي !!! (( يالله ، هو مايخاف ربه في عقوق والدينه))
"عيش كثير،، تشوف كثير"
رحت اقدم على فندق واعطاني ورقه اعبيها ، شوي وجا واحديقدم قال ابي لو حارس امن قال الموضف انت اش معك شهاده قال عندي جامعه!!! ((معقوله جامعه واخرتها حارس امن))
"عيش كثير،، تشوف كثير"
وانا في صف اولى ثانوي كان في واحد من الطلاب نايم بالفصل خش المدرس وضربه بسلك عشان يقوم.. قام الطالب وأخذ السلك من يد المدرس وقطعه قدامه ورماه ورجع كمل نومه والمدرس اكتفى بالسكوت!!! (( وين راحت هيبت المدرس))
"عيش كثير،، تشوف كثير"
امام احد الحدايق تخاصمو امامي اثنين على موقف السيارة شوي ونزلت حرمه من احد السيارتين وقامت تصيح وتصرخ على سائق السيارة الثانيه يوخر عشان الموقف وزوجها مندس بالسيارة!!! (( يعني صاير هو الحرمه وهي الرجال))
"عيش كثير،، تشوف كثير"
شاب في الحي كان من افضل شباب الحي دين وعلم حفض القرأن كامل في يوم من الايام واشوفه عند المدرسه راكب سيارة ومعاه اربعه من اسوء شباب الحي لادين ولا علم انصدمت كيف مشى معهم؟، تركت الموقف ورحت البيت جاني خبر اليوم الثاني انو كان افضل واحد امتع الجمهور بالتفحيط في الصرفه!!! (( مو منه من الي اقوى منه))
"عيش كثير،، تشوف كثير"
يحكينا احد المدرسين انو خلص من بناية بيته وباقي الكهرباء وراح للبلديه وجلس يراجع عندهم ثلاث ايام بالملف حقه وما تجاوب معه ويقولون عليناضغط مايمدينا ، المهم اليوم الرابع حط في الملف خمس ميه ريال بين الاوراق وراح يراجع، قال الموضف انت ماتفهم قلنالك علينا ضغط ، قال طيب فك الملف شوف الاوراق الي فيه طبعا الموضف فك الملف وشاف الفلوس ، على طول قفل الملف وقال خلاص ابشر بوكرة وهي عندك!!! (( زمن الرشاوى))
"عيش كثير،، تشوف كثير"
احد المدمنين طلع يشتري حبوب (الله ينجينا وينجي كل مسلم منها) واخذ معاه ولده الضغير المهم راح لبيت البياعين وأخذ كميه ويوم جا يحاسبهم نقصت الفلوس ، قالهم بروح البيت اكمل لكم فلوسكم وارجع ، طبعا رفضو وبشده انهم يتركونو يروح خايفين يسرقهم، فكر ومالقا الا هالحل المؤسف وترك ولده عندهم رهينه لغاية مايروح يكمل الفلوس!!! (( يالله سترك لهدرجه تسوي الحبوب ))
احبتي هذي فعلا دنيا العجايب مواقف تشيب الراس .. ما اقدر اقول الا الله ينجينا وينجي كل مسلم ويحسن احوالنا ويثبتنا على دينه ..
اشكركم يامن احببتهم في الله ،، وآسف على الاطاله ولاكن قلمي مايقدر يسكت لاشاف مثل هالمواقف ..
تقبلو ارقى التحايا إلى حفض الله ورعايته وعلى دروب الخير نلتقي احبه
[/size] | |
|
وثبات بثبات
عضو فعال
عدد المساهمات : 142
العمر : 31
تاريخ التسجيل : 14/09/2008
| |
السيف
مشرف منتدى الحوار العام
عدد المساهمات : 14
العمر : 38
تاريخ التسجيل : 13/09/2008
| | موضوع: رد: عيش كثير تشوف كثير الثلاثاء سبتمبر 16, 2008 12:50 pm | |
| نقل رائع للغاية
وفعلا
عش كثيرا ترى كثيرا
وعجب عجب | |
|
